EGITEN DUGUNA :: AHOLKULARITZA ESTRATEGIKOA
«Helburua lortzea zaila iruditzen bazaizu, ez aldatu helburua. Bilatu bertara iristeko beste bide bat.» Confucio
Noizik behin, erakundeek, pertsonek bezala, pentsatzera gelditu behar izaten dute. Batzuetan, eguneroko lanak lausotu egiten duelako beren zeruertza, beste zenbaitetan bidea apur bat desitxuratu egin zaielako edo besterik gabe, erronka berriak bilatzea egokitzen zaielako. Horrelakoetan, beti ere aldez aurretik arreta handiz entzun eta gero, gogoeta-prozesu hauetan lagundu egiten ditugu geure bezeroak.

Askotariko dinamika eta metodologiak erabiltzen ditugu, beharretara egokitzen ditugu, eta lan-saio indibidualak edo taldekakoak egiten ditugu denborari zukurik handiena ateratzeko: behar diren ebidentziak azalera ateratzeko, komunikazio estrategikoko helburuak finkatzeko eta prozesu eta erantzun berriak proposatzeko. Team building estrategiak ere lantzen ditugu, eta horri lotutako ekintzak diseinatu eta garatu egiten ditugu.

Bezeroaren beharrek hala eskatzen dutenean, kolaborazio-eredu egonkorragoak ere eskaintzen ditugu, erakundearen estrategia zabaltzean laguntzeko eta komunikazio-emaitza egokiak bermatzeko.