Ideiak, pertsonak eta erakundeak elkarrekin lotzen ditugu. Ikusten denetik harago pentsatzera garamatzaten proiektuak atsegin ditugu, eta horrelakoetan maiz agertzen diren korapiloak ikusten ditugunean, askatzea. Uste baitugu sormena horietan datzala: askotan aurresanezinak diruditen konexio-puntu horietan, hantxe baitago zerbait berria sortzeko energia.

Linking Ideas konexio horietako baten emaitza da: Ana Erostarbe eta Pilar Kaltzada gara eta 2015. urteaz geroztik, bidegurutze, esperientzia, ilusio eta gaitasunak partekatzen ditugu, Linking Ideas markaren bidez gauzatzen ditugunak.

Komunikazio estrategikorako aholkularitzan eta horri lotutako prestakuntzan adituak gara eta urte askotako eskarmentua dugu, lanean eta ikasten, komunikazio korporatiboan, berdintasunean, hedabideen kudeaketan, komunikazio-kabinetetan, social media delakoan, diseinuan, sormen-prozesuetan eta ekitaldien antolaketa eta aurkezpenean.

Ez dugu denetarik egiten, baina badakigu zein den ia den-dena behar bezala burutzeko laguntza egokia. Konexioa gara eta konektatzen dugulako. Horregatik, 360º zerbitzua eskaintzen diegu geure bezeroei, etengabe hazten ari den kolaboratzaile-sarearen bidez. Onak dira beraiek, eta hobeak egiten gaituzte gu. Emaitza: zerbitzu integrala, bizkorra eta bikaina.

Mundu hauetako guztietako zeruertzak elkarrekin lotzeko aukera, ideiak konektatzekoa, bereziki kitzikagarria zaigu. Hortik dator izena. Hortik datoz zu ezagutzeko gogoa.

Linking Ideas gara.