BIZKAIA GARA. BIZKAIKO BORONDATEZKO DNA ABIAN JARRI DA

20 urte baino gehiagoko ibilbidea egin ondoren, Bolunta Bizkaiko boluntariotza-agentzia «Bizkaia Gara» bihurtu zen 2022ko irailean. Ohorea izan da une horretan parte hartzea. Erakunde sustatzaileek (Bizkaiko Foru Aldundia, BBK eta EDE Fundazioa) gugan konfiantza izan zuten beren komunikazio-estrategiari buruzko hausnarketa zuzentzeko, marka berria sortzeko eta merkaturatzea planifikatzeko.

Lan horri esker, Bizkaia Garan aktibazio komunitarioko eredu berri bat abian jartzeko antolatzen den herritarren ekintzako ekosistema ezagutu ahal izan dugu, gizartea sakon eraldatzen ari den une honetan. Ekintza komunitarioa eta boluntariotza gizarte gisa partekatzen ditugun balioen isla dira, gure ekintzek erakusten baitute zer axola zaigun, komunitateari buruz dugun ikuspegia zein den, nola ulertzen ditugun justizia soziala eta ekitatea, edo zein den erantzukizunaren zentzua. Egiten duguna gara: herritar solidarioak, aktiboak, kritikoak eta eraldatzaileak.

Bizkaia Gara kohesio handiagoa da, berrikuntza sozial handiagoa, eta guztion onerako konpromisoa duten pertsona eta erakunde gehiago.